'კლინიკა 'ბომონდის' ოფთალმოლოგიის განყოფილების ერთ-ერთი უპირატესობა ის არის, რომ ჩვენთან კეთდება სასწრაფო და გადაუდებელი ოპერაციები'

შპს კლინიკა "ბომონდში" 2017 წლის იანვრიდან სრული დატვირთვით ფუნქციონირებს ოფთალმოლოგიის (თვალის) განყოფილება. განყოფილებას ზაალ (ზაზა) სინაურიძე ხელმძღვანელობს. ოფთალმოლოგიის განყოფილებაში ოფთალმოლოგები: გიორგი ზუმბურიძე და სალომე გრიგალაშვილი საქმიანობენ.

"განყოფილება აღჭურვილია უახლესი აპარატურით. ჩვენთან კეთდება ნებისმიერი სირთულის კატარაქტას ოპერაცია, ასევე, გლაუკომის საწინააღმდეგო და სიელმის ოპერაციები. თვალის გარდა, ოპერაციები კეთდება თვალის დანამატ და დამცველ ორგანოებზე.

"პაციენტების მიღების საათები 10:00 საათიდან 17:00 საათამდე გვაქვს, თუმცა კლინიკა "ბომონდის" ოფთალმოლოგიის განყოფილების ერთ-ერთი უპირატესობა ის არის, რომ ჩვენთან კეთდება სასწრაფო და გადაუდებელი ოპერაციები. ხშირად არის შემთხვევა, როდესაც ღამის საათებში გადაუდებელი ოპერაციის საჭიროების მქონე პაციენტი შემოსულა და ოპერაციის გასაკეთებლად გამოვუძახებივარ. იმდენად თბილი ურთიერთობაა ჩვენსა და პაციენტებს შორის და იმდენად ახლოს მიგვაქვს მათი პრობლემები, ჩვენ და ჩვენი პაციენტები ერთი დიდი სამეგობრო ვართ," - ამბობს კლინიკა "ბომონდის" ოფთალმოლოგიის განყოფილების ხელმძღვანელი ზაზა სინაურიძე.

კლინიკა "ბომონდის" ოფთალმოლოგიის განყოფილებაში შესაძლებელია ადგილზე, ნებისმიერი სირთულის და ფორმის სათვალის დამზადება. განყოფილებაში აღნიშნულ მიმართულებას ოპტიკოსი მიხეილ უიანოვი ხელმძღვანელობს.

პროფესიონალი კადრებით დაკომპლექტებული კლინიკის ოფთალმოლოგიური განყოფილება სამედიცინო მომსახურებას უწევს როგორც ბავშვებს, ისე მოზრდილებს და მოხუცებს.

NS