'თავისუფალი საქართველო' გაერთიანებული წყალმომარაგების კომპანიის გაუქმებას ითხოვს

ორგანიზაცია საქართველოს გაერთიანებული წყალმომარაგების კომპანიის დაშლას ითხოვს. აღნიშნული განცხადება ორგანიზაციის ხელმძღვანელმა გოგი წულაიამ ქუთაისში, ჭავჭავაძის გამზირზე გამართულ ბრიფინგზე გააკეთა.

წულაიას თქმით, თვეებია ქალაქში სხვადასხვა ადგილას წყალი იღვრება, რასაც ყურადღებას არავინ აქცევს. წულაია თვლის, რომ წყალმომარაგების კომპანია, რომელიც უფუნქციოა, უნდა გაუქმდეს და წყალმომარაგების სფერო სამართავად ადგილობრივ თვითმმართველობებს გადაეცეთ.

ოპოზიციური პოლიტიკური პარტიის წარმომადგენლის მოთხოვნასთან დაკავშირებით გაერთიანებული წყალმომარაგების კომპანიაში ამ დროისთვის კომენტარს არ აკეთებენ.