სპორტული ზაფხული წყალტუბოში

პირველად წყალტუბოში, ცოტნე ზურაბიანის ინიციატივითა და იმერეთის ოლიმპიური კომიტეტის ორგანიზებით, ჩოგბურთში სამოყვარულო ტურნირი გაიმართა. ტურნირის მონაწილეები დიპლომებით, ოლიმპიური კომიტეტის სიმბოლიკის მედლებითა და სამახსოვრო საჩუქრებით დაჯილდოვდნენ. საუკეთესო შედეგი დააფიქსირეს ქალებში მარიამ მიქელთაძემ ქუთაისიდან, ხოლო ვაჟებში გივი იოსელიანმა წყალტუბოდან.

ფესტივალის ფარგლებში, ჩოგბურთი ითამაშეს წყალტუბოს მაჟორიტარმა დეპუტატმა ცოტნე ზურაბიანმა, ქუთაისის ვიცე-მერმა გრიგოლ დალაქიშვილმა, იმერეთის ოლიმპიური კომიტეტის თავმჯდომარემ რეზო რობაქიძემ და ვეტერანმა სპორტსმენმა ბესარიონ მიქელთაძემ.

კიდევ ერთ სპორტული ღონისძიება წყალტუბოში - ქუჩის კალათბურთის- Street Ball ტურნირი მოქალაქეთა პოლიტიკური გაერთიანება „ქართული ოცნება - დემოკრატიული საქართველოს“ წყალტუბოს ახალგაზრდული ორგანიზაციის ინიციატივითა და ორგანიზებით, მაჟორიტარი დეპუტატის ბიუროსა და გამგეობის მხარდაჭერით ჩატარდა. ტურნირში მონაწილეობა 14 გუნდმა მიიღო, გამარჯვება კი გუნდმა „ოცნებამ“ მოიპოვა. გამარჯვებულებს თასი და სიგელები გადაეცათ.