იმერეთის გუბერნატორის მედიასთან შეხვედრას უშიშროების თანამშრომელი ესწრებოდა

იმერეთის გუბერნატორის ზაზა მეფარიშვილის მედიასთან შეხვედრას უშიშროების თანამშრომელი ესწრებოდა.
შეხვედრაზე, ჟურნალისტის მიერ დასმულ შეკითხვას, თუ რა მიზეზით ესწრებოდა, სახელმწიფო უსაფრთხოების სააგენტოს, დასავლეთის რეგიონალური სამმართველოს უფროსის მოადგილე დათო ხაბურძანია შეხვედრას, გუბერნატორმა უპასუხა, რომ ის მისი მეგობარი იყო.
„ჩემთვის არ აქვს მნიშვნელობა, თუ ვის რა თანამდებობა და პოზიცია უკავია. ის ჩემი მეგობარია და დღეს უბრალოდ წამომყვა. მარტოც შეიძლებოდა, რომ მოვსულიყავი, მაგრამ ასე გადავწყვიტე,“- განაცხადა მეფარიშვილმა.
შეგახსენებთ, რომ ზაზა მეფარიშვილს იმერეთის გუბერნატორის თანამდებობის დაკავებამდე იმერეთს სახელმწიფო უშიშროების სამსახურის დასავლეთ საქართველოს სამმართველოს უფროსის თანამდებობა ეკავა.