ოლიმპიადის საერთაშორისო დღესთან დაკავშირებით თერჯოლაში მარათონული გარბენი გაიმართა

23 ივნისს ოლიმპიადის საერთაშორისო დღესთან დაკავშირებით, თერჯოლის მუნიციპალიტეტის გამგეობის განათლების, კულტურის, სპორტისა და ახალგაზრდობის საქმეთა სამსახურის, სპორტისა და ახალგაზრდობის საქმეთა განყოფილების ორგანიზებით გაიმართა მარათონული გარბენი და მუნიციპალიტეტის პირველობა ფრენბურთში.

მარათონულ გარბენში მონაწილეობდა 60 ახალგაზრდა, ვაჟებში საპრიზო ადგილები ამგვარად გადანაწილდა: I ადგილი - ზვიად მაჩიტიძე ( თუზი), II ადგილი - ვანო კაშია (თერჯოლა), III ადგილი - შოთა შუღლაძე ( ეწერი). გოგონებში: I ადგილი - მარიამ ქოჩიაშვილი (თერჯოლა), II ადგილი - ქეთევან კობახიძე (ჭოგნარი), III ადგილი - მონიკა გაბისონია (ჭოგნარი).

ფრენბურთში მონაწილეობა მიიღო 10 გუნდმა: მუნიციპალიტეტის გამგეობის ნაკრების, ინფრსტრუქტურისა და კეთილმოწყობის სამსახურის, ტურიზმის სამსახურის, სპორტული სკოლის, კლუბ საპოვნელას, სოფელ თუზის, გოგნის, სიქთარვის, ეწრისა და ღვანკითის გუნდებმა.

პირველობა წილად ხვდა ღვანკითის გუნდს, მეორე ადგილზე გავიდა სოფელ თუზის გუნდი, ხოლო მესამე ადგილი სოფელ სიქთარვის გუნდმა დაიკავა.
NS