ქუთაისში, აღმაშენებლის გამზირზე გაშენებული პალმები ხმება

ქუთაისში, აღმაშენებლის გამზირზე, წლების წინ გაშენებული ვაშინგტონის ჯიშის პალმების ხეივანი ხმება.

ქუთაისის მერიაში აღნიშნულის მიზეზად პალმებისათვის შესაბამისი ჰავის არარსებობას ასახელებენ.

"ჩვენ ყოველნაირად ვცდილობთ მოვუაროთ პალმებს. გამხმარ პალმებს ახლით ჩავანაცვლებთ, თუმცა ქუთაისში მათ გასახარებლად შესაბამისი ჰავა არ არის, ამიტომ, შეცდომა იყო აღმაშენებლის გამზირზე პალმების ხეივანის გაშენება," - აცხადებენ მერიის პრესსამსახურში.