თერჯოლაში ბავშვთა დღე სხვადასხვა ღონისძიებით აღინიშნა

თერჯოლის მუნიციპალიტეტში ბავშთა საერთაშორისო დღისადმი მიძღვნილი სხვადასხვა ღონისძიება ჩატარდა.

ეს დღე კონცერტებით, სხვადასხვა თემაზე ხატვითა და სხვა აქტივობებით აღნიშნეს საბავშვო ბაღებისა და სკოლების დაწყებითი კლასების აღსაზრდელებმა. მოსწავლე-ახალგაზრდობის მუნიციპალური ცენტრის მიერ კერძო სკოლაში „მზეკაბანი-2007“ აქცია „მწვანე ღიმილის“ ფარგლებში ჩატარდა ხატვის კონკურსი, ჩვენება-ფასილიტაცია დოკუმენტური ფილმისა „ადამიანი, რომელიც ხეებს რგავდა“, ასევე მუნიციპალური ცენტრის მიერ სკოლას საჩუქრად გადაეცა მაკულატურის შესაგროვებელი მწვანე ყუთი.

დღესვე თერჯოლის მუნიციპალიტეტის გამგეობის თანამშრომლები შშმ ბავშთა სასწავლო-სარეაბილიტაციო დღის ცენტრ „საპოვნელას“ ესტუმრნენ და ღონისძიების „ზღაპრის დღის“ ფარგლებში ცენტრის აღსაზრდელებს ზღაპრები წაუკითხეს.

თერჯოლის მუნიციპალიტეტის გამგეობა გილოცავთ ბავშვთა დაცვის საერთაშორისო დღეს!

NS