თბილისსა და ქუთაისში მსოფლიო რაგბის 20-წლამდელთა ჩემპიონატი იწყება

დღეს, თბილისსა და ქუთაისში რაგბში მსოფლიოს ახალგაზრდული ჩემპიონატი იწყება. გაზეთ ”ლელოს” ინფორმაციით, ჩემპიონატში პლანეტის 12 საუკეთესო 20-წლამდელთა ნაკრები 18 ივნისამდე პირველობისთვის იბრძოლებს.

აღსანიშნავია, რომ საქართველოს 20-წლამდელთა ნაკრები პირველ მატჩს ჯგუფურ ეტაპზე არგენტინელ თანატოლებთან ავჭალის სარაგბო სტადიონზე, 18:00 საათზე გამართავს.

რაც შეეხება გუნდებს, ისინი ასე გადანაწილდნენ - A ჯგუფი: ინგლისი, სამოა, ავსტრალია, უელსი; B ჯგუფი: ახალი ზელანდია, შოტლანდია, ირლანდია, იტალია; C ჯგუფი: საქართველო, არგენტინა, სამხრეთ აფრიკა, საფრანგეთი.

ჩემპიონატის ნახევარფინალები 13 ივნისს, ხოლო ფინალი 18 ივნისს გაიმართება.