ქუთაისში ავტოსაგზაო შემთხვევა მოხდა- დაშავებულია 4 პირი

ქუთაისში, ჭომის დასახლებაში, ლესელიძის ქუჩაზე ავტოსაგზაო შემთხვევა მოხდა.
იმერეთის ახალი ამბების სააგენტო topnews.com.ge-ს თვითმხილველებმა განუცხადეს, რომ ერთმანეთს ორი მსუბუქი ავტომობილი შეეჯახა, რის შედეგადაც 4 ადამიანი დაშავდა.
ადგილზე სასწრაფო სამედიცნო დახმარების ბრიგადები და საპატრულო პოლიციის ეკიპაჟები იყო მობილიზებული.
topnews.com.ge შინაგან საქმეთა სამინისტროს დაუკავშირდა, უწყების პრესსამსახურის თქმით, მომხდარზე გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.