'ბიბლიური თავისუფლების' სერტიფიკატების საფუძველზე ადამიანები თავისუფლდებიან სამხედრო სავალდებულო სამსახურიდან, უფრო სწორად ყარაულობიდან'

"ახალი პოლიტიკური ცენტრის-გირჩი"-ს ინიციატივას მომხრეები ქუთაისშიც გამოუჩნდნენ. პოლიტიკური ცენტრის ქუთაისის ოფისმა გუშინ და დღეს, "ბიბლიური თავისუფლების" სერთიფიკატები 5 ადამიანზე გასცა.

"აღნიშნული სერტიფიკატების საფუძველზე ეს ადამიანები თავისუფლდებიან სამხედრო სავალდებულო სამსახურიდან, უფრო სწორად ყარაულობიდან, რომელსაც სამხედრო სამსახურს უწოდებენ. სერტიფიკატები ამ ადამიანებმა უკვე წარადგინეს სამხედრო სამსახურში,"-აცხადებს "გირჩი"-ს იმერეთის ოფისის ხელმძღვანელი თემურ ცამციშვილი.

ახალმა პოლიტიკურმა ცენტრმა „გირჩმა“ რელიგიური ორგანიზაცია „ბიბლიური თავისუფლება“ დააფუძნა. რელიგიური ორგანიზაცია „გირჩის“ მსგავსად თავისუფლების იდეასაც ქადაგებს. ამასთან „ბიბლიური თავისუფლება“ ახალგაზრდებს სავალდებულო სამხედრო სამსახურიდან გადავადებაშიც ეხმარება.