ქუთაისში, მოსწავლე-ახალგაზრდობის პარკში 'აკაკის ხეივანი' გაიხსნა

ქუთაისის მოსწავლე-ახალგაზრდობის პარკში „აკაკის ხეივანი“ გაიხსნა. ხეივანი ქუთაისის მერმა შოთა მურღულიამ და პარკის დირექტორმა გიზო თავაძემ გახსნეს. ღონისძიებას საზოგადოების წარმომადგენლები და მოსწავლეები დაესწრნენ.

უახლოეს ხანში მოსწავლე-ახალგაზრდობის პარკს ასევე ქართველთა და ებრაელთა მეგობრობის ხეივანი შეემატება. აღნიშნულ პარკში უკვე არსებობს ქართველი მწერლების- ოტია იოსელიანის და რეზო ჭეიშვილის ხეივანი.

"მოსწავლე-ახალგაზრდობის პარკში ქუთაისის მერიის დაფინანსებით მასშტაბური ინფრასტრუქტურული სამუშაოები მიმდინარეობს, რომლის დასრულება წლის ბოლოსთვის იგეგმება," - ნათქვამია მერიის პრესსსამსახურის მიერ გავრცელებულ განცხადებაში.