'გადავწყვიტე ჟურნალისტები საზოგადოებისათვის სრულიად სხვა კუთხით წარმედგინა,'- ჟურნალისტების ნამუშევრების გამოფენა ოპერაში

ქართული ჟურნალისტიკის დღესთან დაკავშირებით, ქუთაისის საჯარო ბიბლიოთეკის ინიციატივით და ორგანიზებით, ოპერის ფოიეში ჟურნალისტების ნამუშევრების გამოფენა გაიმართა. გამოფენაზე წარმოდგენილი იყო ნახატები, ნაქარგები და ხელნაკეთი ნივთები.

ღონისძიების იდეის ავტორი ქუთაისის საჯარო ბიბლიოთეკის საზოგადოებასთან ურთიერთობის მენეჯერი ციცი ჯინჯიხაძეა.

„იდეა გამიჩნდა მას შემდეგ, რაც გავიგე, რომ ჟურნალისტებს ემარჯვებათ ხელსაქმე, ხატვა, ქარგვა და ა.შ. გადავწყვიტე, რომ ეს დღე განსხვავებულად აღგვენიშნა და ჟურნალისტები საზოგადოებისთვის წარგვედგინა სრულიად სხვა კუთხით. სწორედ ეს სხვა კუთხეა მათი სხვა ნიჭი, სხვა ინტელექტი და სხვა რესურსი, რომელიც წარმოვაჩინეთ და გამოვიტანეთ საზოგადოების წინაშე,“- ამბობს ციცი ჯინჯიხაძე.

მარიამ კვერნაძე