'ოცნების' მაჟორიტარს მეზობლები ნაგვის გატანას სთხოვენ

ქუთაისში, ჯიბლაძის ქუჩაზე მაცხოვრებლები დახმარებას ითხოვენ.


მოსახლეობა ჯიბლაძის ხუთ ნომერში, მიტოვებულ ეზოში არსებული ე.წ. უკანონო ნაგავსაყრელის გასუფთავებას და ტერიტორიის დეზინფექციის ხსნარით დამუშავებას ითხოვს.

"15 წელია ეს ეზო მიტოვებულია. სამი წელია, რაც მოსახლეობა ამ ეზოს დეზინფექციის ხსნარით დამუშავებას და ნათვის მანქანას ითხოვს რომ ნაგავი გაიტანონ, თუმცა უშედეგოდ. საინტერესოა, რომ ამავე ქუჩაზე ცხოვრობს ამ უბნის დეპუტატი თემურ ნადირაძე, მოსახლეობის უამრავი განცხადების მიუხედავად, საკითხით ერთხელაც არ დაინტერესებულა. ნაგვის გამო ეზოში ქვეწარმავლებია, რომლებიც მოსახლეობას აწუხებს. ამიტომ, მერიაში მერის სახელზე 30-მდე ადგილობრივი ხელმოწერა შემაქვს. ქალაქ-მუზეუმის მაჟორიტარ დეპუტატს "ქართული ოცნებიდან" თემურ ნადირაძეს კი მოვუწოდებ, რომ მის მეზობლებს მაინც მიაქციოს ყურადღება," - აცხადებს "ნაციონალური მოძრაობის" ქუთაისის ოფისის წარმომადგენელი ნიკა ნარსია.