წყალტუბოს გზაზე მომხდარი ავარიის შედეგად დაშვებულებიდან ერთის მდგომარეობა მძიმეა

ქუთაისი-წყალტუბოს დამაკავშირებელ საავტომობილო გზაზე მომხდარი ავტოსაგზაო შემთხვევის შედეგად დაშავებული სამი პირიდან ორი მკურნალობას კლინიკურ, ხოლო ერთი დასავლეთ საქართველოს ინტერვენციული მედიცინის ცენტრში გადის.

როგორც საინფორმაციო სააგენტო Topnews.com.ge-ს სასწრაფო დახმარების სამსახურში განუცხადეს, ინტერვენციული მედიცინის ცენტრში გადაყვანილი პაციენტი ტრავმატოლოგიურ განყოფილებაში წევს და ექიმები აკვირდებიან. კლინიკურ საავადმყოფოში მოთავსებული ორი პციენტიდან კი ერთის მდგომარეობა მძიმეა.

შეგახსენებთ, რომ ქუთაისი-წყალტუბოს დამაკავშირებელ საავტომობილო გზაზე ავარია 25 თებერვალს, ღამით მოხდა. ავტოსაგზაო შემთხვევაში ორი-ჟიგული და Mitsubish airtac-ის მარკის ავტომობილები მონაწილეობდნენ. არსებული ინფორმაციით, "ჟიგულის" მარკის ავტომობილს მაღალი სიჩქარით მოძრავი "მიცუბიშის" მარკის ავტომობილი დაეჯახა, რის შედეგად "ჟიგული" ამოტრიალდა, ხოლო "მიცუბიშის" მარკის ავტომობილს ცეცლის გაუჩნდა და დაიწვა. შემთხვევის შედეგად გარდაიცვალა "ჟიგულის" მარკის ავტომობილში მჯდომი ქალბატონი. აღნიშნული ავტომობილი ხილით იყო დატვირთული.