სოფელ ჭოგნარში ნაგავსაყრელის ასაშენებლად ტერიტორია გაინაღმა

თერჯოლის სოფელ ჭოგნარის ტერიტორიაზე ახალი ნაგავსაყრელის სამშენებლო სამუშაოები 2017 წლის ოქტომბრიდან დაიწყება. ამის შესახებ საინფორმაციო სააგენტო Topnews.com.ge-მყარი ნარჩენების მართვის კომპანიაში განუცხადეს.
ნაგავსაყრელის მშენებლობისთვის სოფელ ჭოგნარში ის ტერიტორიაა შერჩეული, სადაც ადრე სამხედრო პოლიგონი იყო განთავსებული. როგორც კომპანიაში ამბობენ, პოლიგონის განაღმულ ტერიტორიაზე განაღმვითი სამუშაოები უკვე დასრულდა.
„ამჯერად გარემოზე ზემოქმედების შეფასების გეგმას ველოდებით აღნიშნულ ტერიტორიასთან დაკავშირებით. მოსახლეობა წინააღმდეგია, რადგან არასწორი ინფორმაცია აქვთ. ვცდილობთ მათთვის აზრის შეცვლას. იქ შენდება თანამედროვე, ევროპული ტიპის ნაგავსაყრელი და ეს არ იქნება ნაგავსაყრელი, რომლის სუნიც შეაწუხებს მოსახლეობას,“ - აცხადებენ მყარი ნარჩენების მართვის კომპანიაში.
სოფელ ჭოგნარში მოწყობილი ნაგავსაყრელი, იმერეთის რეგიონის გარდა, ლეჩხუმისა და სვანეთის მოსახლეობასაც მოემსახურება.