ქუთაისში 'ტორპედოს' მოედნის გარშემო სარბენი ბილიკების გაკეთება იგეგმება

ქუთაისში, რამაზ შენგელიას სახელობის "ტორპედოს" საფეხბურთო მოედნის რეაბილიტაცია-რეკონსტრუქცია და მოედნის გარშემო სარბენი ბილიკების გაკეთება იგეგმება. აღნიშნულს ქუთაისის მერიასა და მძლეოსნობის ფედერაციას შორის გაფორმებული ურთიერთთანამშრომლობის მემორანდუმი ითვალისწინებს.

"მემორანდუმი ითვალისწინებს მოედნის კეთილმოწყობას ისე, რომ ის გამოსადეგი იყოს მძლეოსნური შეჯიბრებებისთვისაც," - აღნიშნავენ ქუთაისის მერიაში.

თანამშრომლობის მემორანდუმს ხელი ქუთაისის მერის მოადგილემ ნოდარ მიქიაშვილმა და საქართველოს მძლეოსნობის ეროვნული ფედერაციის პრეზიდენტმა ალექსი ახვლედიანმა მოაწერეს.