ცოტნე ზურაბიანი: ჩვენ ერთად გავხდით წყალტუბოს უფრო წარმატებულს

წყალტუბოს მაჟორიტარმა დეპუტატმა ცოტნე ზურაბიანმა წყალტუბოს მუნიციპალიტეტის მოსახლეობასთან შეხვედრები განაახლა.

პირველი შეხვედრა დღეს მაჟორიტარის ბიუროში გაიმართა. შეხვედრის მიზანს მოსახლეობის წინაშე მდგარი სოციალური პრობლემების პირადად აღრიცხვა. ასევე, გაზიფიკაციის საკითხებისა და 2017 წლის განმავლობაში მუნიციპალიტეტის მიერ დაგეგმილი განსახორციელებელი პროექტების შესახებ მოსახლეობისთვის ინოფრმაციის მიწოდება წარმოადგენდა.

"წინასაარჩევნო კამპანიის დროს გაცემული დაპირებისამებრ, ვაგრძელებ ადგილობრივებთან შეხვედრებს. მუნიციპალიტეტს სრულად დავფარავ და პირადად გავაცნობ თითოეულ მათგანს 2017 წლის განმავლობაში დაგეგმილ პროექტებს. ჩემი მიზანია მჭიდრო კავშირი მქონდეს ადგილობრივებთან და ვიცოდე მათი სოციალური პრობლემები. ჩვენ ერთად გავხდით წყალტუბოს უფრო წარმატებულს," - ამბობს ცოტნე ზურაბიანი.

როგორც ბიუროში აცხადებენ, მაჟორიტარი წყალტუბოს მუნიციპალიტეტის მაცხოვრებლებთან შეხვედრებს რეგულარულად გამართავს. ზურაბიანთან შეხვედრის მსურველებს კი დეპუტატის ნახვა პარასკევს, 10 თებერვალს, მაჟორიტარის ბიუროში შეუძლიათ.