სამტრედიის რაიონში დიდთოვლობის გამო ათობით ოჯახი გარესამყაროს მოწყდა

სამტრედიის რაიონში სამდღიანი გადაუღებელმა თოვამ პრობლემები შექმნა. განსაკუთრებით რთული ვითარებაა სოფელ ოფეთსა და გამოჩინებულში.

5 თემის 16 სოფელში მოსახლეობას გადაადგილების პრობლემა აქვს. გარესამყაროს ათობით მოსახლეა მოწყვეტილი.

ადგილზე იმერეთის ვიუცე-გუბერნატორი პაატა ნადირაძე და სამტრედიის გამგებელი ვალერიანე ფოცხვერია იმყოფებოდნენ, რომლებმაც განაცხადეს, რომ გაწმინდითი სამუშაოები უმოკლეს დროში დაიწყება.

უამინდობა იმერეთის რეგიონში მესამე დღეა გრძელდება. სინოპტიკოსები გამოდარებას 1-ელ თებერვალს ვარაუდობენ.