ქუთაისის იმპიჩმენტით გადაყენებული მერი ახალ მერს რჩევას აძლევს

ქუთაისის ყოფილი მერის ბესიკ ბრეგაძის თქმით, ქალაქის მოქმედ მერის მოვალეობის შემსრულებელს შოთა მურღულიას ქალაქის საკრებულოში, უმრავლესობაში მყოფ ფრაქცია „საქართველოს პატრიოტთა ალიანსთან“ არასასურველი თამაში მოუწევს.
იმპიჩმენტით გადაყენებული ყოფილი მერის თქმით, ქალაქის საკრებულოში უმრავლესობაში მყოფი ფრაქცია ცდილობს პირადი მიზნებისთის გამოიყენონ ქალაქი, ამიტომ ბესიკ ბრეგაძის თქმით, აუცილებელია ქალაქის პირველმა პირმა საკუთარი ქალაქის ინტერესებიდან გამომდინარე მიიღოს გადაწყვწეტილებები.
„მე ვიცი რა ძალასთან მოუწევს ქალაქის ამჟამინდელ მერს თანამშრომლობა. ეს ძალა არის ის ფრაქცია, რომელიც პირადი მიზნებისთვის და კეთილდღეობისთვის იღებენ იმ გადაწყვეტილებებს, რომელიც ქალაქს არასოდეს წინ არ წაწევს,“– განაცხადა ბესიკ ბრეგაძემ, რადიო "ძველი ქალაქის" გადაცემა "რადიაქციაში" სტუმრობისას.