ხარაგაულის რაიონში შშმ პირებს ეტლები გადაეცათ

ხარაგაულის მუნიციპალიტეტის გამგეობის სოციალური და ჯანდაცვისა და კულტურის სამსახურის ინიციატივით ხარაგაულის კინოთეატრში ათეულობით შეზღუდული შესაძლებლობების მქონე ბავშვი შეიკრიბა. ბავშვები ხარაგაულის კულტურის ცენტრთან არსებული თოჯინების თეატრის სპექტაკლს - „სამი გოჭი“დაესწრნენ ღონისძიებას ხარაგაულის მუნიციპალიტეტის გამგებელი ნიკოლოზ თოფურიძე, გამგებლის მოადგილეები და ადგილობრივი ხელისუფლების სხვა წარმომადგენლები ესწრებოდნენ.

შეხვედრის დასასრულს ორგანიზატორები ბენეფიციარებს ტკბილეულით გაუმასპინძლდნენ.

სპექტაკლის შემდეგ შშმ პირები არასამთავრობო ორგანიზაცია „ნაბიჯი ხარაგაულს“ ინიციატივითა და ადგილობრივი ხელისუფლების მხარდაჭერით ტყიბულის განვითარების ცენტრში გაემგზავრნენ, სადაც ამერიკული ორგანიზაცია „მშვიდობის კორპუსისა“ და „მაკლეინის“ ორგანიზაციის დაფინანსებით, იმერეთის რეგიონის შშმ ბავშვთა შეხვედრა გაიმართა.



გამგებელმა და მისმა პირველმა მოადგილემ, არჩილ მაღრაძემ, შეზღუდული შესაძლებლობის მქონე პირებს საჩუქრად ეტლები გადასცეს.

სოფელ ბორითში მცხოვრებ მარიამ ბლუაშვილსა და მაქათუბნის თემში მცხოვრებ ვენიკო სებისკვერაძეს ეტლები ადგილობრივი ხელისუფლების წარმომადგენლებმა სახლში პირადად მიუტანეს და მათი ჯანმრთელობის მდგომარეობას ადგილზე გაეცნენ.



NS