ქუთაისში ორი წლის ბავშვი მეცხრე სართულიდან გადმოვარდა

ქუთაისში, ნიკეას დასახლებაში, მრავალსართულიანი საცხოვრებელი კორპუსის მე-9 სართულიდან 2 წლის ბავშვი გადმოვარდა.

თვითმხილველების თქმით, ბავშვი სხვადასხვა სართულებზე გაჭიმულ თოკებს ეცემოდა, ბოლოს კი ხის ტოტებს დაეცა. ბავშვი დასავლეთ საქართველოს ინტერვენციული მედიციინს ცენტრში გადაიყვანეს. არსებული ინფორმაციით, მას მოტეხილობები აღენიშნება.

უცებ საშინელი კივილის ხმა გავიგონე. გავიხედე მაღაზიიდან და ბევრი ხალხი იყო შეკრებილი. მერე ბიჭებმა მითხრეს, რომ მეზობლის ბავშვი მე-9 სართულიდან გადმოვარდაო. დედა საპირფარეშოში ყოფილა შესული, ხელებს დავიბან და გაჭმევო, ამ დროს ბავშვი ფანჯარასთან მივარდნილა და უცებ გადმოვარდა. მწერების საწინაარმდეგო ბადეს ჩაჭიდებია და ამ ბადესთან ერთად სარეცხ თოკებს ეცემოდა,"-აცხადებს ერთ-ერთი თვითმხილველი.

შინაგან საქმეთა სამინისტროს პრესსამსახურში აცხადებენ, რომ მომხდართან დაკავშირებით გამოძიება 124 - ე მუხლით დაიწყო, რაც ჯანმრთელობის გაუფრთხილებლობით დაზიანებას გულისხმობს.