ჭიათურის გამგებელი:მუნიციპალიტეტის ყველა მოსახლემ უნდა იგრძნოს, რომ ხელისუფლება მათი კეთილდღეობისთვის მუშაობს

გამგეობის ტრადიციული ყოველკვირეული თათბირი გაიმართა ადმინისტრაციული შენობის დარბაზში, რომელსაც ჭიათურის მუნიციპალიტეტის გამგებელი ზურაბ კუპატაძე უძღვებოდა.
შეხვედრას სამსახურის უფროსის მოვალეობის შემსრულებლები და ადმინასტრაციულ ერთეულში გამგებლის წარმომადგენლები ესწრებოდნენ.

მუნიციპალიტეტის პირველმა პირმა თათბირზე ყველა იმ საკითხე გაამახვილა ყურადღება, რომელიც ამ ეტაპზე მნიშვნელოვანია. ზურაბ კუპატაძემ სამსახურების დროებით ხელმძღვანელებს მათი სფეროების შესაბამისად დავალებები მისცა. გამგებელმა ზამთრის შტაბის სასწარაფო შექმნაზეც გაამახვილა ყურადღება და აღნიშნა, რომ თოვლის მოსვლას მუნიციპალიტეტი მომზადებული უნდა შეხვდეს.

ზურაბ კუპატაძემ თითოეულ სოფელში არსებული მდგომარეობა გამგებლის წარმომადგენლებთან ერთად განიხილა და განაცხადა, რომ ინფრასრტუქტურული თუ სხვა სახის პროექტი 2017 წელს ყველა სოფელში უნდა განხორციელდეს.

,,მუნიციპალიტეტის ყველა მოსახლემ უნდა იგრძნოს, რომ ხელისუფლება მათი კეთილდღეობისთვის მუშაობს. ჩვენ ყველაფერი უნდა გავაკეთოთ, რათა მოსახლეობამ მაქსიმალური სარგებელი მიიღოს," - აღნიშნა ზურაბ კუპატაძემ.

NS