იპოთეკით დაზარალებული მოქალაქეები ხელისუფლებას აქციებით ემუქრებიან

იპოთეკური სესხებით დაზარალებულმა მოქალაქეებმა ქუთაისში, საქართველოს პარლამენტის შენობასთან მორიგი აქცია გამართეს.
მათ მოთხოვნებს გამოსახლებების შეჩერება, ხელისუფლების მიერ გრძელვადიანი, დაბალპროცენტიანი იპოთეკური სესხების გაცემა და საგამოძიებო კომისიის შექმნა წარმოადგენს, რომელიც მათ საქმეებს გამოიძიებს.
აქციის მონაწილეთა განცხადებით, აქციის მეშვეობით ახალი მთავრობისათვის მათი პრობლემების შეხსენება სურთ, ხოლო იმ შემთხვევაში თუ ხელისუფლება მათ მოთხოვნებზე დროულად არ მოახდენს რეაგირებას, აქციები პერმანენტულად გაიმართება.